Ki façon besoin propage Islam

EXTRAIT DU PAMPHLET NO. 63, VENDREDI 26 AVRIL 1985 / JUMMAH 14 SHABAAN 1405

Allah Rabbul Izzat Jalla Wa’ala dire dans Quran Shareef (Sura 16 V 125):”

Appelle dimounes dans chemin to Maitre avec des paroles de sagesse et de bons conseils. Discute avec zotte dans plus jolie manière possible, parce ki c’est to Maitre ki plus conner ki cene-la ki fine égarer de So chemin et ki plus conner ki cene-la suivre le bon chemin”

ادْعُ إِلَىٰ سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ ۖ وَجَادِلْهُم بِالَّتِي هِيَ أَحْسَنُ ۚ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ ۖ وَهُوَ أَعْلَمُ بِالْمُهْتَدِينَ – 16:125

Sahih International: Invite to the way of your Lord with wisdom and good instruction, and argue with them in a way that is best. Indeed, your Lord is most knowing of who has strayed from His way, and He is most knowing of who is [rightly] guided.

Dans ca ayat-e-karima, Allah سبحان و تعالىٰ Indiquer, montrer ki façon besoin propage Islam.

  • Premier: avec paroles sages et connaissances ki attire l’esprit, ki faire l’esprit content
  • Deuxième: avec de bons conseils ki attire le coeur, ki faire le coeur content
  • Troisième: Si et quand ena discussion avec quikaine, besoin discuter avec politesse et humilité ki faire plaisir a l’autre, ki faire l’autre-la comprend

Apres ca trois engagements la, ene MUBALLIGH (missionnaire) ki faire appel aux autres pou vine dans le droit chemin – so obligation terminer. Dimounes accepter ou pas accepter, obéir ou pas obéir, suivre ou pas suivre, ca li zotte propre responsabilité devant ALLAH سبحان و تعالىٰ et ALLAH سبحان و تعالىٰ conne mieux zotte le coeur ki canne la dans droit chemin et ki canne la finne égarer. Zotte actions so conséquences ALLAH سبحان و تعالىٰ pou donne zotte certainement.

Dans ca ayat-e-karima, ALLAH سبحان و تعالىٰ donne indications a Rasoulullah صَلَّى اللّٰهُ عَلَيْهِ وَسَلَّم manière ki besoin appelle dimounes dans le droit chemin. Et quand Rasoulillah صَلَّى اللّٰهُ عَلَيْهِ وَسَلَّم envoye sahabas pou invite les autres a suivre religion islamique, le prophète d’ALLAH سبحان و تعالىٰ ti toujours recommande so sahabas pou prêche dans ca meme façon ki ALLAH سبحان و تعالىٰ indiquer dans Quran Shareef.

A noter aussi ki depuis Hazrat Adam عليه السلام jusqu’a Rasoulillah صَلَّى اللّٰهُ عَلَيْهِ وَسَلَّم tout le temps, banne prophètes zotte finne gagne ca même l’ordre pou suivre. Jamais banne prophètes fine servi la contrainte, fine servi la force ou pression, ou fine prêcher avec colère pou invite dimounes suivre zotte dans le chemin de la religion. Parce ki ALLAH سبحان و تعالى pas ti ordonne zotte pou agir avec façon brutale, inélégante.

Leave a Reply

Your email address will not be published. Required fields are marked *